ՀԱՐԳԵԼԻ ԴԻՄՈՐԴ,
ՄԻՆՉԵՎ ԸՆԴՈՒՆԵԼՈՒԹՅԱՆ ԴԻՄՈՒՄ-ՀԱՅՏԸ ԼՐԱՑՆԵԼԸ ՈՒՇԱԴԻՐ ԾԱՆՈԹԱՑԻՐ ՀՀ ԲՈՒՀԵՐԻ ԸՆԴՈՒՆԵԼՈՒԹՅԱՆ ԿԱՐԳԻ ՀԵՏԵՎՅԱԼ ԴՐՈՒՅԹՆԵՐԻՆ
Ընդունելության դիմում-հայտը փոփոխման ենթակա չէ փաստաթղթերի ընդունման ժամկետի ավարտից հետո:
Ընդունելությունը բուհեր կատարվում է անվճար և վճարովի ուսուցման համակարգերում:
Դիմորդը հիմնական փուլի մրցույթին մասնակցում է մեկ բուհի մեկ մասնագիտության (անվճար և վճարովի) հայտով:
Ընդունելության մրցույթն անց է կացվում հիմնական և լրացուցիչ(թափուր տեղեր) փուլերով: Դիմորդը հայտագրած մասնագիտություն(ներ)ի մրցույթին մասնակցում է մրցութային քննությունից ստացած դրական միավորով` հարյուրերորդական մասի պահպանմամբ:
Հիմնական մրցույթով չանցած դիմորդների համար թափուր տեղերի առկայության դեպքում կազմակերպվում է լրացուցիչ մրցույթ, որին կարող են մասնակցել դրական միավոր (ներ) ստացած դիմորդները՝ լրացնելով մինչև վեց մասնագիտություն:
Լրացուցիչ մրցույթի կազմակերպման ժամանակ առավելությունը տրվում է առավել բարձր միավոր (ներ) ունեցող դիմորդին:
Որևէ մասնագիտությամբ ընդունված դիմորդն այլևս չի մասնակցում հայտագրված հաջորդ մասնագիտությունների մրցույթին:
Հեռակա ընդունելությունը բուհեր կատարվում է վճարովի ուսուցման համակարգերում:
Դիմորդը հեռակա մրցույթին մասնակցում է մեկ բուհի մինչև երեք մասնագիտության հայտով:
Հեռակա ընդունելության մրցույթն անց է կացվում առաջին հայտի գերակայությամբ: Դիմորդը հայտագրած մասնագիտություն(ներ)ի մրցույթին մասնակցում է մրցութային քննություններից ստացած դրական միավորներով` հարյուրերորդական մասի պահպանմամբ:
Երկրորդ հայտից սկսած առավելությունը տրվում է առավել բարձր միավոր (ներ) ունեցող դիմորդին:
